رحلة فريق ستاي سوا

السلام وعليكم كيفكم يا موينة انشالله ما عم تتعذبوا بالصيام متل ما بتعرفوا نحن يوم الجمعة سافرنا وبدأت القصة عندما انتهينا من صلاة الجمعة حيث خرجنا متوجهين الى طريق الشام قاصدين وجهنا مدينة كسب ولكننا أبينا أن نذهب الى نبعة البدروسية في رأس البسيط والتي تبعد عن كسب 20 كم حيث استمتعنا بتغسيل وجوهنا بالمياه العذبة ثم قصدنا كسب وصلناها في الساعة الخامسة والنصف أستكنا فيها شوي المهم صار موعد الأذان ولسا ما لقيناطعم ناكل في بعدها شلون خطرلنا نطلع برات كسب ما بعرف المهم طلعنا شي 2 كم واذ بمطعم مناقيش صاج ذو اطلالة جبلية خلابة مع نسمات الهواء العليل واطلالة على بلدة _ليردا_التركية حيث استمتعنا بوجبة الافطار بعدها توجهنا الى مسجد الامام علي بن أبي طالب رضي الله عنه وصلينا العشاء و8 ركع تراويح وبعد ما هضمنامن المنقوشات رحنا عمحل حلو اسمو _كسبيلا_ واشترينا كنافة ويا سلام ونيزل بعدين تفتلنا شوي وشمسنا الخط بغنية _صح صح_والعالم كلا صارت تطلع وحالة ثم اقترحنا الانتقال الى مدينة اللاذقية حيث أننا في الطريق نزلنا باستراحة واحتسينا القهوة الجبلية طبعا لسا ما ذكرتلكن انو الطريق كان أكثر من رائع والدنيا ضباب وبرودات الجبل شي فانتاستيك بعدا يا سيدي وصلنا عاللاذقية ونزلنا عفندق الشاطئ الأزرق تمشينا عالرملات ولعبجنا المهم هون الساعة صارت شي وحدة ونص ونحن بالطريق عالكورنيش الجنوبي شفنا قارمة مكتوب عليها _منتجع أفاميا روتانا 5كم_وما كذبنا خبر فعلا رحنا يا شباب اش أكابر لك اش منتجع لك اش عالم قسما بالله حسيت حالي ببلد متقدم يا شباب المنتجع فيو نادي صحي ومطاعم أجنحة رئاسية بار ضمن حوض السباحة ونيزززززززززززززززززل نادي لليخوت ملعب تنس بالاضافة لشاطئ رملي لك يلعن عشو ما أنضفو وما أحلا بتعرفوا أنو ضمن المنتجع شفت سيارة الانفنيتي اللي عرضتلكن ياها بموضوع سابق لك شي هههههههههههههههف
وبعدا صارت الساعة 3 صار وقت السحور وهادا ياسيدي السحور باللاذقية حصرا عند مطعم_جمال أبو سويس_جبنا هالفتة والبندورة ونزلن بعدها كاسات الشاي الخمير الما بترحم طبعا مع نص لتر مي وهنا انتهت الأستكة وطلعنا من اللاذقية 4وربع وصلنا عحلب7 الا ربع منهيين بذلك جولة وكأنها حلم.
تحية لكل الموينة اللي ما شاركوا على أمل أنو يشاركوا
نصيحة الى الأخ الانسان:اذا في شي ما بيأثر عمادياتك وبتحس فيو شذة أو مغامرة فاعملو لأنو اذا ما عملتو بتصير انسلن جامد مع الزمن وعنجد يا شباب السفر بيغير روح الانسان
طبعا ما نزلت صور لأنو ما كان معنا موبايلات فيا كاميرا ونحن نطالب موقع ستاي سوا برفدنا بكاميرا ديجيتال للرحلات.
MEDO STYLE

  • Trackback are closed
  • تعليقات (5)
    • tonzer
    • سبتمبر 6th, 2009

    لك شو هالرحلة الحلوه 🙂
    لا بل الجميلة …. بالفعل شي مرتب
    لك بس شلون هيك يا منظومين ما بتاخدو كاميرا معكم ع رحلة كلها مناظر خلابة😯
    الله يصلحكن

    • c0mmander
    • سبتمبر 6th, 2009

    كانت الرحلة جميلة ولطيفة ومليئة بل انبساط والسعادة تغمر وجوهنا على قولت كتاب القراءة
    المهم يا اسدكائي اشتهيناكون معنا شي بعشرة

      • TH3HOPE
      • سبتمبر 7th, 2009

      والله يا سديكي ونحن نشتهي نكون معكون شي بعشرتين
      يالله مرت الجاي بلكي بطلعو كل اعضاء ستاي سوا
      ومعون كاميرا بيع😀

    • tOmEkK
    • سبتمبر 6th, 2009

    بالفعل واحدة من أجمل الروحات لي هذا العام

    وأشكر الأخ عنبور الأمور على تنظيم الرحلة الجميلة

    وان شاء الله منعاده

    وأحلى شباب والله
    😉

    • ProtoType-XD
    • سبتمبر 11th, 2009

    واع

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: