بما أننا فريق

17113يعطيكم العافية شباب ومشكورين وخاصة الزميل همام على المجهود المبذول والوقت الضائع في سبيل تطوير المدونة وبعد أخواني الأعزاء هلق نحن ك”ستاي سوا”منشكل فريق كتير حلو ومتأستك وفنتازيا بس أنا كعضو بالفريق العظيم شايف أنو في عنا شي اسمه قلة التنظيم مثال:لعبة السلة منجي عالنادي بأ لنحجز ونبلش وهادا اللي تأخر والتاني عبجيبو والتالت نزل معو الدولاب وحالة………….فالحل لذلك نحن لعبنا وخلصنا منحجز للعبة الجاي ومناخد وصل وكلو نظامي تاني شي بدي أنوه لموضوع المواعيد عنجاد يا شباب مواعيد أغلبكم ما عم تعجبني وما في حدا عبيجي عموعد مزبوط ومشان موضوع أخر هلق أنا كنت بشلة سابقة كنا نصلي الجمعة دائما سوا بس اشلون كل جمعة واحد بيقترح جامع وهيك ما حدا بينظلم فأنا بطالب بهالشي أو هلق بالنسبة لرمضان أنو نصلي سوا نكون سوا نمشي سوا نلتقي سوا ستاي سوا خلصت البطاقة أكلنا هوا سلام يا موينة وروحنا الحذف

  • Trackback are closed
  • تعليقات (9)
    • tOmEkK
    • سبتمبر 3rd, 2009

    نعم ياسيدي وانا أولهم

    وبشكرك من صمصوم قلبي لانو قلبك صاير عالشلة

    هلق مشان لعبة السلة بالفعل معك هق

    بس المشكلة انو المسئول هنيك مابيأجر الا بنفس اللحظة اللي بدك تلعب فيا

    وأنا سألتو اذا بيحجز عالتلفون أو بحجز قبل بنهار

    قام قلي وبكل احترام ….. (أعوذ بالله مامنأجر خاي ) موين الأخ

    وتحية إلك ياروحي
    😀

    • 3aref
    • سبتمبر 3rd, 2009

    أحلى شباب والله

    وحلوة الرغبة بالتنظيم

    بس بقترح أنو نحكي بالموضوع بعد رمضان لأنو أظن وضع

    الشباب أغلبهون مكركب ومو خرج أستكة هلق

    وانا متأكد أنو كل الشباب بيحبو المشاريع الجماعية

    وعندون أفكار حلوة

    مثلا موعد ثابت عشان دوري ال

    NBA

    وأحلى تحية ل

    Tomekk — Medostyle

    • tonzer
    • سبتمبر 4th, 2009

    هلاء منمشي وحده وحده مشان ما اتلخبط:razz:
    مشان موضوع السلة انا ما عندي مشكل بس يا اخي اذا خليناها ع حالها ما رح تفرق كتير
    موضوع التاخير .. اي صح مية بالمية بس هيك حاسسلك يا ابو شريك مؤخرا انو المواعيد عم تظبت بشكل اكتر داعيا الله انو تظبت اكتر و اكتر
    مشان صلاة الجمعه انا من ناحيتي عذروني يا حبذا اصلي جنب بيتي او مع اهليتي
    مشان المشاريع انتو فصلو و انا بلبس و احلى شباب

    القفلة تبع الموضوع بدل انك انت واحد من ستاي سوا المدونة الي بتشفيك بدون دوا
    يلا كلنا سوا اي نعم هي ستاي و سوا
    😀 ههههههههه

    بالفعل مشكور ميدو بس كتوب اسمك باخر الموضوع يا اخي مشان تنور🙂

    • TH3HOPE
    • سبتمبر 4th, 2009

    صديقي العزيز ميدو الي حكيتو دهب
    جد حيث نحن منتميز بل الشلة بعدم التنظيم و كل واحد بحاول يطلع براي من مخو وحالة…
    يا اخي هي شغلة الحجز المسبق كتير فظيعة وفانتستيك يعني خلي بني ادم يروح قبل الشعب بنص ساعة للنادي ويحجز …..
    بس شغلة الصلاة ما فيني شنو انا بروح مع العيلة عل الصلاة
    ايه والله …
    يالله ترجعو من السفر بخير وسلامة

      • TH3HOPE
      • سبتمبر 4th, 2009

      بس انا ماعرفت شو علاقة الصورة بالموضوع
      بالله شو الرابط العجيب
      وشكرا😀

    • mindshunter
    • سبتمبر 4th, 2009

    من فترة مو بالبعيدة رجعت شفت للمرة ال14 فلم اسمو
    choas
    وهل الاسم مستوحى من كتاب بنفس االعنوان بيحكي عن نظرية الفوضى ومو اي فوضى الفوضى المنظمة بمعنى انو صحيح عم يصير فوضى وكل واحد عم يجي بموعد على لعبة السلة وعم يصير كل مرة شذات غريبة عجيبة بس بالنهاية هادا عم يكون ضمن اطار منظم للموضوع يعني عم نلعبج سلة وكل واحد بعدا عم يلعبج شي فهادا بيشرب كولا وهادا بياكل و هادا بشذ شي شذة بالنهاية انا برأيي عدم الالتزام بمشروع محدد او موعد محدد هادا بكون بحد ذاتو مشروع جديد وموعد جديد لحتى ما تقدر تتوقع الشي اللي عم يستناك بالايام الجاية

    وبشكر كل واحد قدر يقرا التعليق كامل…….. على فكرة لا تسأل كيف دخلت اقتصاد وما دخلت فلسفة😉

      • tonzer
      • سبتمبر 4th, 2009

      صحي نسيتك اسالك راسم
      كيف دخلت اقتصاد و ما دخلت فلسفة ؟؟😛

        • TH3HOPE
        • سبتمبر 6th, 2009

        سؤال عم يطرح ذاتو
        كيف دخلت اقتصاد و ما دخلت فلسفة ؟؟😛

    • Medostyle
    • سبتمبر 5th, 2009

    تحية كبيرة للموينة وشكرا عالردود بالنسبة لعلاقة الصورة بالموضوع فما في أي علاقة بس مشان تقولوا نزل صورة

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: