معاناة مواطن حلبي الحلقة 1

هذه القصة تحكي عن معاناة مواطن حلبي مع باص الدائري الجنوبي  في حلب ( أحد وسائل النقل المستخدمة منذ أيام الفراعنة

 

بدأ العرض

 يقوم المواطن البريء بمد إصبعه بكل براءة لباص الدائري الجنوبي  فيهجم شوفير الباص عليه هجم والا شوي رح يدعسو

 يصعد الاخ المواطن ويستقبله المعاون بابتسامه عريضة وبقلو هااااااات

 يمد المواطن يده لجيبه وبطلع سبع ليرات ( كانت خمسة بس مو ارتفع المازوت صارت سبعة )

 بطلع فيه المعاون وبقلو خمصطعش ( يقصد 15 )

 لك ليش خمصطعش

 اي هي بطاقة ذهاب اياب

 وبركي انا رايح روحة بلا رجعة

تصطفل المهم هات خمصطعش وبلا علاك ( اذا سمحت )

 المهم بيعطيه المواطن الخمصطعش ليرة مع انو مو مقتنع

 وحتى لو ذهاب اياب بيطلعلو ليرة لأنو 7+7 = 14 !!

 

 بقول المواطن لحالو يالله مو محرزة وبطلع هيك بدو يقعد على شي كرسي ( والله يجعلو كرسي )

 بطلع بشوف كرسي مالو ضهرية وكرسي مالو جلد وكرسي مالو دعامات حديد وكرسي بيشبه كرسي الكهربا تبع الاعتراف وكرسي ماهو كرسي ونص كرسي وذكرى عصابة الكف الزيرائوني وذكرى من اب عزاب خيال الزرقا وبحبك موت وذكرا الشجعان الثلاثة والمفاجأة الاحلى والاروع انو مابلاقي ولا كرسي فاضي

امرو لله رح يضل ع الواقف وبيسند ضهرو ع زيق الشباك ولا بلاقي مأنشح أنشحة ( هذا ان وجد الشباك ) قد يكون الباص صيفي بدون بلور يعني

 

 يتمسك المواطن بالعامود الفلتان اللذي فوقه حتى ما ينطبش

وفجأة فرام قوي بيوصل الاخ المواطن لجمب الشوفير وبقلو مرحبا

بيطلع شي تليتين اربعين خمسين سبعين ميتين راكب وما بضل محل لا لمسك العامود الفلتان ولا لسند الضهر ع الشباك اللي الله يجعلو شباك وبصير الاخ المواطن في عداد المفقودين

نزلنا ع اليمين لو سمحت

جمله يطلقها احد الجالسين على عرشه المزخرف فتنطلق العيون على العرش للانقضاض عليه عله يستريح قليلا

ولحسن حظ اخونا بكون واقف فوق راس صاحب العرش وينقض على الكرسي وكان هذا اعظم انتصار له اليوم

 

الرجاء التصويت عالموضوع مو مشان شي بس مشان أعرف

اذا بدي انزل الحلقة التانية ولا لاء

 

 

 

 

 

 

cheers ….. tOmEkK

 

  • Trackback are closed
  • تعليقات (9)
    • ProtoType-XD
    • سبتمبر 1st, 2009

    روووح دعااااس … الله و ايدك نزل الجزء التاني😀😀😀
    و نيييييييييزل

      • tOmEkK
      • سبتمبر 1st, 2009

      يالله يا خيو اللي مالو جزء تاني مالو عيد

      تعا بورد تعا لعبج تعا
      😀

        • tonzer
        • سبتمبر 2nd, 2009

        حباسات نكاشات رشاد ناعناع يبيس 😛
        هههههه

    • TH3HOPE
    • سبتمبر 2nd, 2009

    ابداع فانتستيك اخي تومك
    اي نعم
    بانتظار انتهاء السيزن
    روحنا تومك روحنا حلب

    • c0mmander
    • سبتمبر 2nd, 2009

    ااووووعاك تنزل الحلقة التانية لانو خريت بتم الباب
    قرحتني انت وهل قصة المعتة
    وهي فيري بووور
    اذا في تحت الفيري بووور كنت صوتت ..

      • tOmEkK
      • سبتمبر 2nd, 2009

      على قولت أخوي بروتو اي ان شاء الله ستين عمرينك مايعجبك

      هع في وشك يا *** أصلاً انت مو مكانك هون مكانك بشي مدونه بالسنغال

      وكتيره عليك
      😎

    • tonzer
    • سبتمبر 2nd, 2009

    😎 موضوع جميل يستحق الاكسيلنت بجداره
    اي انا بانتظار الحلقة التانية و بشغف
    ببصملك بالخمصطعش انو شميل شدا
    البرافو عليك اخي تومك😀

    • Medostyle
    • سبتمبر 2nd, 2009

    مشكور عالموضوع أخوي بانتظار الجزء الخمصطعش

    • mindshunter
    • سبتمبر 4th, 2009

    انا من العالم اللي طلعت بالجنوبي كذا مرة بحكم انو عيادة الوالد قريبة منو صحيح انو سيئاتو ما بتنحصر بس الموضوع فيو مبالغة كبيرة اي انا سمعت بادني كيف العالم بتدلع الباص وما بتصحلو الا الباخرة الزرقاء او تايتنك القرن الواحد والعشرين(طبعا مو قصدن انو نهاية اللي بيطلع بالباص متل نهاية اللي طلع بالتايتنك)واسماء اخرى شاعرية ورومانسية جدا وشفت بعيني أروع الأمثلة عن الايثار والتآخي والعولمة حتى!!!!يعني وهيك شي
    بس بدي اشكرك لانو اخيرا انت حليت لغز بناء الاهرامات
    وهلق عرفت كيف نقلو هالحجرات😉

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: