حوار عائلي راقي

الأب مخاطب الابن : تعال وله
الابن و بكل براءة : نعم
الأب :نعامة ترفصك … تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ….رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك انشالله … لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ شو هاذا المشش؟؟
الأب: اما انك قليل حيا …وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ….حكيتلك اخرس
الابن الان اصبح مغلوب على امره ومش فاهم ايش الموضوع وصمت
الأب: أما جيل قليل حيا…احكي وله … مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله … قلتلك تأدب وانت بتحكي مع ابوك
الأب : ايش “بتشوفوني غلط” هاي … شايفنا عميان ولا حول ؟
الابن : لا اله الا الله
الأم : الله يوخذك انشالله …. يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه…دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله … يا الله … يا جماعه شو مالكوا … شو فيه ؟
الأم: اه صحيح انت ليش ناديت عالولد يا زلمه ؟
الأب :بتصدقي يا مره اني نسيت…. نساني شو كنت بدي منه هالكلب
الاب : خلص روح ارجع على غرفتك يابا
MEDO-STYLE

  • Trackback are closed
  • تعليقات (6)
    • mindshunter
    • أغسطس 8th, 2009

    It’s fantastic!
    في هيك شي عنا بس مو لهل الدرجة هالموضوع صحيح بضحك بس بعبر عن كتيير من الاهل اللي عنا بسوريا اللي ما بيرضوا يعترفوا بغلطن وانا متأكد انو الوالدين العربين بلاقو صعوبة باكتر الاحيان بالاعتذار والاعتراف بالذنب و مهما وصل وعيون وثقافتون مقتنعين بفكرة انو نحن قدام الولاد مستحيل نغلط
    بالنهاية تانكيو ميدو

    • tonzer
    • أغسطس 8th, 2009

    موضوع جميل و ظريف
    كمان و كمان يا ميدو و بانتظار مواضيك الجديدة
    كما اني بانتظار موضوع من مايند هانتر🙂

    • TH3HOPE
    • أغسطس 8th, 2009

    موظوع من ظميم الواقع
    اي نعم
    شنّو في احيانا ابهات مناغيل او اي شيئ من هذا القبيل
    سيد ميدو مشكور مانو
    ملاحظة :
    يا خاي اهتم بل الكتاجوري مشان الله
    خيو اهتم فيا وبطلعلك جائزة
    طبعا اطلبا من البائع

      • ProtoType-XD
      • أغسطس 8th, 2009

      خيو اهتم فيا وبطلعلك جائزة

      هعهعهعهعهعهعهعهعهعهعهعهعهعهعههعهعهع

    • tOmEkK
    • أغسطس 12th, 2009

    لك أب ثابت ………………..الموضوع قررررررح وبعدين خراي عليك ياميدو ليش ماعم تهتم

    بالكاتيجوري آه وضربه تفك نيعك واحد جحش
    🙂

    • Medostyle
    • أغسطس 17th, 2009

    رح اهتم بالكاتجوري لعيونكم وللسيد بروتو ليش كل تعليقاتك عمواضيعي هعععععع يعني شو طيب لا تعلق أفضل

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: